2023-04-14 13:47:46, 1496 ნახვა
ომი უკრაინაში
მედვედევი - როგორც კი დასრულდება დასავლური დაფინანსება, უკრაინაც დასრულდება
დასავლური დაფინანსება როგორც კი დასრულდება, უკრაინა თავადაც დასრულდება,- ასე გამოეხმაურა რუსეთის უშიშროების საბჭოს თავმჯდომარის მოადგილე დიმიტრი მედვედევი უნგრეთის პრემიერ-მინისტრის, ვიქტორ ორბანის განცხადებას.
მედვედევის თქმით, აღნიშნული განცხადება პატივისცემას იმსახურებს.
"ძალიან კარგია. ევროპელი პოლიტიკოსისთვის თამამად და ზუსტად ნათქვამია. შეიძლება მხოლოდ დავამატო, რომ როგორც კი დასავლური დაფინანსება დასრულდება, თავად უკრაინა დასრულდება". - განაცხადა მედვედევმა.
ცნობისთვის, მანამდე უნგრეთის პრემიერ-მინისტრმა, ვიქტორ ორბანმა განაცხადა, რომ უკრაინა ფინანსურად არარსებული ქვეყანაა და დასავლელი პარტნიორების მხარდაჭერის გარეშე ომი დაუყოვნებლივ დასრულდება.
ავტორი: ექსპრესნიუსი,
epn.ge (@expressnews.ge)
