მდინარაძე - რაც ჩვენ სალომე ზურაბიშვილის არჩევისთვის ვიწვალეთ, ახია ჩვენზე

2023-03-30 14:27:16, 1078 ნახვა

პოლიტიკა

რაც ჩვენ ამ ადამიანის არჩევისთვის ვიწვალეთ, ახია ჩვენზე,- ამის შესახებ "ქართული ოცნების" აღმასრულებელმა მდივანმა, მამუკა მდინარაძემ საქართველოს პრეზიდენტზე, სალომე ზურაბიშვილზე საუბრისას განაცხადა.

როგორც მდინარაძემ მედიის წარმომადგენლებს უთხრა, პრეზიდენტი ხშირად არაობიექტურია.

"ხანდახან ადამიანს გიჩნდება განცდა - რაც ჩვენ ამ ადამიანის არჩევისთვის მოსახლეობას ათასი მესიჯი მივაწოდეთ, რაც ჩვენ ვიწვალეთ, ახია ჩვენზე რომ იტყვიან, იმდენად ტენდენციური აღმოჩნდა საბოლოო ჯამში ქ-ნი სალომე", - განაცხადა მდინარაძემ.

კითხვაზე რა მოლოდინი აქვთ პრეზიდენტის პარლამენტში ვიზიტისგან, მდინარაძემ აღნიშნა:

"არ ვიცი, მოლოდინი როგორ ვთქვა. ქალბატონი სალომეს მაგივრად როგორ ვილაპარაკო წინასწარ, როდესაც არ ვიცი".

ცნობისთვის, პრეზიდენტ სალომე ზურაბიშვილს საკანონმდებლო ორგანოში ხვალ, 31 მარტს ელოდებიან.