2023-03-30 13:21:25, 1549 ნახვა
მსოფლიო
კულება - გაერო-ს უშიშროების საბჭოს რუსეთის მიერ თავმჯდომარეობა ცუდი ხუმრობაა
უკრაინის საგარეო საქმეთა მინისტრი, დმიტრო კულება გაერო-ს უშიშროების საბჭოში რუსეთის თავმჯდომარეობას "ცუდ ხუმრობას" უწოდებს.
კულებას თქმით, რუსეთს უზურპირებული აქვს ეს ადგილი და აწარმოებს კოლონიალურ ომს.
"პირველი აპრილიდან გაეროს უშიშროების საბჭოში რუსეთის თავმჯდომარეობა ცუდი ხუმრობაა. რუსეთს უზურპირებული აქვს ეს ადგილი. ის აწარმოებს კოლონიალურ ომს. მისი ლიდერი სამხედრო დამნაშავეა, რომელიც სისხლის სამართლის საერთაშორისო სასამართლოს მიერ ძებნილია ბავშვების მოტაცებისთვის. მსოფლიო ვერ იქნება უსაფრთხო, როდესაც რუსეთი გაეროს უშიშროების საბჭოშია",- წერს კულება.
ცნობისთვის, უშიშროების საბჭოს თავმჯდომარეობას რუსეთი როტაციის პრინციპით პირველი აპრილიდან გადაიბარებს.
ავტორი: ექსპრესნიუსი,
epn.ge (@expressnews.ge)
