რუსეთი 11 ქვეყანასთან უვიზო მიმოსვლაზე სამთავრობათაშორისო შეთანხმებას ამზადებს,მათ შორის საუდის არაბეთთან, ქუვეითთან, ბაჰამის კუნძულებთან, მალაიზიასთან და მექსიკასთან. 

როგორც რუსეთის საგარეო საქმეთა მინისტრის მოადგილემ, ევგენი ივანოვმა განაცხადა, შეთანხმებები განვითარების სხვადასხვა ეტაპზეა. 

„ჩვენ ვამზადებთ სამთავრობათაშორისო შეთანხმებების პროექტს [რუსეთის] მოქალაქეებისთვის უვიზო მიმოსვლის შესახებ რიგ ქვეყნებთან, როგორიცაა ბაჰრეინი, ომანი, საუდის არაბეთი, ბაჰამის კუნძულები, ბარბადოსი, ჰაიტი, ზამბია, კუვეიტი, მალაიზია, მექსიკა, ტრინიდადი და ტობაგო. შეთანხმებები განვითარების სხვადასხვა ეტაპზეა. 

თუმცა, მნიშვნელოვანია გვესმოდეს, რომ ასეთი საერთაშორისო ხელშეკრულებების მოლაპარაკების პროცესი არის ორმხრივი და მათი ხელმოწერის ტემპი ჩვენზეც და ჩვენს პარტნიორებზეც თანაბრად არის დამოკიდებული“, - განაცხადა დიპლომატმა.

ივანოვმა ასევე აღნიშნა, რომ რუსეთის საგარეო საქმეთა სამინისტრო „აუცილებლად აცნობებს საზოგადოებას“ შეთანხმების მიღწევის შემდეგ.

შეგახსენებთ, რომ 11 ქვეყნისთვის უვიზო რეჟიმის შემოღებასთან დაკავშირებით, პირველად რუსეთის საგარეო საქმეთა მინისტრმა, სერგეი ლავროვმა სათათბიროს მთავრობის სხდომაზე განაცხადა. 

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს