ზუგდიდის რაიონულმა სასამართლომ ბადრი ესებუას ახალ ბრალდებაზე აღკვეთის ღონისძიების სახით, წინასწარი პატიმრობა არ შეუფარდა.

მოსამართლის თქმით, ბადრი ესებუა უკვე იმყოფება ბათუმის ციხეში და ის იქამდე იქნება იქ, სანამ აღკვეთის ღონისძიება არ დასრულდება, ციხიდან კი იმ საფრთხის რეალიზება ვეღარ მოხდება, რაზეც პროკურორებმა ისაუბრეს, აქედან გამომდინარე,  ხელმეორედ პატიმრობის შეფარდების საფუძველი უკვე პატიმრობა შეფარდებული ბრალდებულის მიმართ აღარ არსებობს.

"იმ ვითარებაში, როდესაც ბრალდებული უკვე პატიმარი არის და სწორედ მის მიმართ შეფარდებული პატიმრობა გახდა, მისი დაკავების საფუძველი, ის დღესაც საპატიმრო დაწესებულებაში იმყოფება, შესაბამისად იმ ადგილიდან, სადაც ბრალდებული დღეს იმყოფება და სანამ აღკვეთის ღონისძიება არ დასრულდება იმ დაწესებულებაში იქნება, იქედან ბრალდებული ვერ შეძლებს, იმ საფრთხეების რეალიზებას რაზეც პროკურორებმა ისაუბრეს, რის გამოც ვთვლი რომ, ხელმეორედ პატიმრობის შეფარდების საფუძველი უკვე პატიმრობა შეფარდებული ბრალდებულის მიმართ აღარ არის", - განაცხადა მოსამართლემ სხდომის დასრულებისას.

შეგახსენებთ, რომ ზუგდიდში, „საქართველოს ბანკის“ შენობაში შეიარაღებული ბადრი ესებუა 2020 წლის 21 ოქტომბერს შეიჭრა. მას რამდენიმე საათის განმავლობაში მძევლად 10-ზე მეტი მოქალაქე ჰყავდა აყვანილი და მათი გათავისუფლების სანაცვლოდ 500 ათას აშშ დოლარს და უსაფრთხოების გარანტიებს ითხოვდა, თუმცა თანხის გადაცემის შემდეგ თავმდამსხმელმა გაქცევა მოახერხა.

შინაგან საქმეთა სამინისტრომ ბადრი ესებუა ორ წლიანი ძებნის შემდეგ 8 თებერვალს სოფელ ჯიხაშკარში, ერთ-ერთი ადგილობრივის საცხოვრებელ სახლში დააკავა. 

საქართველოს პროკურატურამ ბრალდებულ ბადრი ესებუას ბრალი ტერორისტული აქტის, ტერორისტული მიზნით მძევლად ხელში ჩაგდების, ცეცხლსასროლი იარაღის, საბრძოლო მასალისა და ასაფეთქებელი მოწყობილობის მართლსაწინააღმდეგო შეძენა, შენახვა, ტარებისთვის და ცეცხლსასროლი იარაღისა და საბრძოლო მასალის შეძენა და შენახვის ფაქტზე წარუდგინა.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს