უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთის ახალი მასობრივი თავდასხმები რაკეტებითა და თვითმფრინავებით ადასტურებს, რომ უკრაინას ადეკვატური იარაღი სჭირდება. 

როგორც ზელენსკიმ ყოველდღიურ ვიდეომიმართვაში აღნიშნა, უკრაინის საჰაერო თავდაცვის ძალებმა ჩამოაგდეს რუსული რაკეტების და შაჰედების უმეტესობა, მაგრამ იყო დარტყმები, დაჭრილები და დაღუპულები.

"დღეს ჩვენ გავუძელით ტერორისტების მორიგ მასიურ სარაკეტო თავდასხმას. თავდასხმა, რომელიც სრულად ადასტურებს ყველაფერს, რაზეც ვისაუბრეთ ჩვენს პარტნიორებთან: რუსეთის ეს აგრესია შეიძლება და უნდა შეჩერდეს მხოლოდ ადეკვატური იარაღით. ტერორისტული სახელმწიფო სხვას ვერაფერს გაიგებს. 

იარაღი ბრძოლის ველზე. იარაღი, რომელიც იცავს ჩვენს ცას. რუსეთის წინააღმდეგ ახალი სანქციები პოლიტიკური და ეკონომიკური იარაღია. მაგრამ ლეგალური იარაღით: ჩვენ უნდა ვიმუშაოთ კიდევ უფრო აქტიურად, რათა შეიქმნას ტრიბუნალი უკრაინის წინააღმდეგ რუსული აგრესიის დანაშაულთან დაკავშირებით და ანაზღაურდეს ამ ომის შედეგად გამოწვეული ყველა დანაკარგი რუსული აქტივების ხარჯზე

ძნელია 100%-იანი დაცვა მხოლოდ საჰაერო თავდაცვის საშუალებით, განსაკუთრებით მაშინ, როცა ტერორისტები ბალისტიკურ რაკეტებს იყენებენ“, - თქვა ზელენსკიმ.

ვოლოდიმირ ზელენსკიმ ასევე დასძინა, რომ უკრაინა „სატანკო კოალიციას“ აფართოებს:

„არის შესაბამისი გადაწყვეტილება კანადის მხრიდან - ამისთვის მადლობას გიხდით. ჩვენს სატანკო კოალიციაში უკვე 12 ქვეყანაა",- განაცხადა უკრაინის სახელმწიფო მეთაურმა. 

ავტორი: ექსპრესნიუსი,

სოციალური ქსელები

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა