ირანის ხელისუფლებამ ოფიციალურად დაადასტურა, რომ ისინი რუსეთისგან სუ-35 ტიპის გამანადგურებლების პარტიას შეიძენენ. ირანის პარლამენტის (მეჯლისის) წევრმა შაჰრიარ ჰეიდარმა განუცხადა Tasnim-ს, რომ თვითმფრინავები მომავალი წლის დასაწყისში ირანული კალენდრის მიხედვით, რომელიც 21 მარტს დაიწყება, მიეწოდება.

ეროვნული უსაფრთხოებისა და საგარეო პოლიტიკის საპარლამენტო კომისიის წევრმა ჰეიდარმა ასევე განაცხადა, რომ თეირანმა მოსკოვს სხვა იარაღი შეუკვეთა, მათ შორის საჰაერო თავდაცვის სისტემები, სარაკეტო სისტემები და ვერტმფრენები.

Su-35 არის მრავალფუნქციური სუპერმანევრირებადი გამანადგურებელი, რომელიც შეიქმნა სუხოის დიზაინის ბიუროს მიერ 2008 წელს.

დეკემბრის ბოლოს ტელეარხი i24NEWS დაზვერვის წყაროებზე დაყრდნობით იტყობინება, რომ რუსეთი ირანს 24 სუ-35 გამანადგურებელს მიაწვდის. წყაროების თანახმად, ეს თვითმფრინავები ეგვიპტეში გასაყიდად იყო განკუთვნილი, მაგრამ კაირომ უარი თქვა გარიგებაზე შეერთებული შტატების ზეწოლის ქვეშ.

ავტორი: ექსპრესნიუსი,

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია