"ამათზე სერიოზულად ვერ ვილაპარაკებთ. ემანდ არ დაიჩაგროს ჩემი ხაბე, უნდა გაიმარჯვოს სიმართლემ, კომპეტენციამ, დნმ-ის კოდმა, ასე რომ მე წარმატებას ვუსურვებ.", - ასე გამოეხმაურა "ქართული ოცნების" დეპუტატი, ირაკლი ზარქუა "ერთიან ნაციონალურ მოძრაობაში" დაგეგმილ პარტიის თავმჯდომარეობის არჩევნებს, რომელიც 28-29 იანვარს გაიმართება.

მისივე თქმით, ყველა ლიდერმა, რომელიც წარდგენილია კანდიდატის სახით, უნდა დაიცვას სამართლიანი არჩევნების უფლება და არჩევნები კონკურენციულ გარემოში უნდა წარიმართოს.

ერთი მინდა გავაფრთხილო, რომ ჩვენ ვაკვირდებით და იმ შემთხვევაში, თუ იქნება გაყალბება, ხელების გადაგრეხა, მოსყიდვა, დაშინება ნაციონალური მოძრაობის აქტივისტების, იცოდეთ, ლეგიტიმაციას დავსვამთ კითხვის ნიშნის ქვეშ და შევშფოთდებით, აღვშფოთდებით. ასე რომ, მოვუწოდებ ყველა ლიდერს ნაციონალურ მოძრაობაში, ვინც მონაწილეობას იღებს ამ არჩევნებში, რომ დაიცვან სამართლიანი არჩევნების უფლება, კონკურენციულ გარემოში უნდა ჩატარდეს. რაც შეეხება სერიოზულად, ამათზე სერიოზულად ვერ ვილაპარაკებთ. მე მყავს ჩემი არჩევანი, უბრალოდ ეს ჩამეთვლება, რომ გავლენა მაქვს რაღაც, ამიტომ თავს შევიკავებ, თუმცა ცნობილია, ფაქტია, ემანდ არ დაიჩაგროს ჩემი ხაბე, უნდა გაიმარჯვოს სიმართლემ, კომპეტენციამ, დნმ-ის კოდმა, ასე რომ მე წარმატებას ვუსურვებ.

შეგახსენებთ, რომ თავმჯდომარეობის ერთ-ერთმა კანდიდატმა, ლევან ხაბეიშვილმა განაცხადა, რომ მას ნაციონალური მოძრაობის დნმ აქვს.

ავტორი: ექსპრესნიუსი,

სოციალური ქსელები

დიდი ბრიტანეთის ახალმა პრემიერ-მინისტრმა ენდი ბერნჰემმა თავისი გუნდი წარადგინა

„ტოიოტა ცენტრი ბათუმმა“ ახალი Toyota RAV4 ოფიციალურად წარადგინა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის მეთერთმეტე ნაკადზე რეგისტრაცია დაიწყო

საქართველომ ლიმონათების ექსპორტიდან თითქმის $100 მლნ-ის შემოსავალი მიიღო მიიღო - მთავარი ბაზარი რუსეთია