"გერმანია წინ არ უნდა აღუდგეს, როდესაც სხვა ქვეყნები უკრაინის დასახმარებლად იღებენ გადაწყვეტილებას.", - ასე გამოეხმაურა გერმანიის ვიცე-კანცლერი, რობერ ჰაბეკი პოლონეთის მიერ უკრაინისადმი  „ლეოპარდის“ საბრძოლო ტანკების გადაცემის საკითხს.

მისივე თქმით, განსხვავებაა საკუთარ თავთან დაკავშირებით გადაწყვეტილების მიღებასა და სხვების გადაწყვეტილებისთვის ხელის შეშლას შორის. მან დასძინა, რომ არ აქვს მნიშვნელობა გერმანია რა გადაწყვეტილებას მიიღებს, მან არ უნდა შეუშალოს ხელი, ქვეყნებს, რომლებსაც უკრაინის დახმარების სურვილი გააჩნიათ.

„არის განსხვავება საკუთარ თავთან დაკავშირებით გადაწყვეტილების მიღებასა და სხვების გადაწყვეტილებისთვის ხელის შეშლას შორის. შესაბამისად, გერმანია წინ არ უნდა აღუდგეს, როდესაც სხვა ქვეყნები უკრაინის დასახმარებლად იღებენ გადაწყვეტილებას, იმისგან დამოუკიდებლად, თუ რა გადაწყვეტილებას მიიღებს გერმანია.", - განაცხადა ჰაბეკმა.

შეგახსენებთ, 11 იანვარს პოლონეთმა განაცხადა, რომ ის გეგმავს უკრაინისთვის "ლეოპარდის" ტიპის ტანკების გადაცემას. იქედან გამომდინარე, რომ "ლეოპარდი" გერმანული წარმოების ტანკია და მისი ექსპორტისთვის გერმანიის მთავრობის თანხმობაა საჭირო, პოლონურმა მხარემ გერმანიის ნებართვა მოითხოვა, რათა მომხდარიყო ტანკების ექსპორტი უკრაინაში.

ავტორი: ექსპრესნიუსი,

სოციალური ქსელები

დიდი ბრიტანეთის ახალმა პრემიერ-მინისტრმა ენდი ბერნჰემმა თავისი გუნდი წარადგინა

„ტოიოტა ცენტრი ბათუმმა“ ახალი Toyota RAV4 ოფიციალურად წარადგინა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის მეთერთმეტე ნაკადზე რეგისტრაცია დაიწყო

საქართველომ ლიმონათების ექსპორტიდან თითქმის $100 მლნ-ის შემოსავალი მიიღო მიიღო - მთავარი ბაზარი რუსეთია