რუსი ოკუპანტები აგრძელებენ დონეცკის ოლქში, ბახმუტის დაკავების მცდელობებს, ამ მიმართულებით წარუმატებლად იბრძვიან „ვაგნერის“ მებრძოლები. ამის შესახებ ომის შემსწავლელი ინსტიტუტი (ISW) იტყობინება.

ანალიტიკოსების განმარტებით, „ვაგნერის“ მებრძოლების გამო რუსეთის არმიაში განხეთქილება მძაფრდება.

ISW ექსპერტები იხსენებენ ე.წ. დონეცკის სახალხო რესპუბლიკის მარიონეტი ლიდერის, დენის პუშილინის გუშინ გაკეთებულ განცხადებას ბახმუტში მათი და "ვაგნერის" ქვედანაყოფების ერთობლივი მოქმედებების შესახებ. 

„რუსეთის ფედერაციის საინფორმაციო სივრცეში პუშილინის განცხადებებსა და პრიგოჟინისა და სხვა ცნობილი პირების გამოსვლებს შორის შეუსაბამობა მიუთითებს იმაზე, რომ განხეთქილება „DPR“-სა და „ვაგნერიანებს“ შორის გრძელდება და იზრდება“, - თვლიან ანალიტიკოსები.

ექსპერტების აზრით, პრიგოჟინის დაქირავებულთა როლმა ბახმუტის ირგვლივ ოპერაციებში შეიძლება ხელი შეუწყოს რუსეთის არმიის სხვადასხვა ფრაქციებს შორის განხეთქილებას, ასევე კრემლის მარიონეტების დისკრედიტაციას "DPR"-დან და მათ მეთაურობით ბოევიკებისგან.

ავტორი: ექსპრესნიუსი,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო