გუშინ ვიხილეთ ევროპარლამენტი და დებატები, რომელიც თავის არსში დაცლილი იყო ევროპისგან,- ასე შეაფასა პარლამენტის თავმჯდომარე შალვა პაპუაშვილმა ევროპარლამენტში საქართველოსთან დაკავშირებით გამართული დებატები.

პაპუაშვილის თქმით, ევროპარლამენტის ტრიბუნა გამოყენებული იყო იმისთვის, რომ გავრცელებულიყო დეზინფორმაცია, პროპაგანდა და იმისთვის, რომ პირდაპირი შეტევა განხორციელებულიყო დემოკრატიულად არჩეულ ხელისუფლებაზე.

„2012 წლიდან მოყოლებული, ევროპარლამენტში არის პოლიტიკოსების ჯგუფი, რომლებსაც აქვთ მხოლოდ ერთი მიზანი, დასაჯონ ბიძინა ივანიშვილი, ხელისუფლებაში დააბრუნონ მიხეილ სააკაშვილი. ეს არის, წლების განმავლობაში ამას ვუყურებთ. მიზეზი, საბაბი შეძლება იყოს სხვადასხვა, მაგრამ არსი ყოველთვის არის ერთი. სინამდვილეში, ეს არის ჯგუფი პოლიტიკოსებისა, რომლებიც არა საქართველოს მეგობარი, არამედ მიხეილ სააკაშვილის მეგობარია. მათი მიზანია ივანიშვილის დასჯა, ვინაიდან მან ჩამოაცილა ხალხთან ერთად მიხეილ სააკაშვილი ხელისუფლებას და სააკაშვილის დაბრუნებაა მათი მიზანი ხელისუფლებაში. ამას ხედავს ხალხი, ამიტომაც რეაქცია ასეთი ხალხის განცხადებაზე არ არის.

გუშინდელ დებატებს რაც შეეხება, გუშინ ვიხილეთ ევროპარლამენტი, დებატები, რომელიც თავის არსში დაცლილი იყო ევროპისგან, ვინაიდან ჩვენ ვნახეთ, რომ ევროპარლამენტის ტრიბუნა გამოყენებული იყო იმისთვის, რომ გავრცელებულიყო დეზინფორმაცია, თითქოს საქართველოში არის ოლიგარქიული მმართველობა, ევროპარლამენტის ტრიბუნა გამოყენებული იყო იმისთვის, რომ გავრცელებულიყო პროპაგანდა, თითქოს საქართველოში ხელისუფლებაა მიტაცებული და ევროპარლამენტის ტრიბუნა გამოყენებული იყო იმისთვის, რომ გავრცელებულიყო პროპაგანდა, თითქოს საქართველოში ხელისუფლება მიტაცებულია და ევროპარლამენტის ტრიბუნა გამოყენებული იყო იმისთვის, რომ პირდაპირი შეტევა განხორციელებულიყო დემოკრატიულად არჩეულ ხელისუფლებაზე“,- განაცხადა პაპუაშვილმა.

შეგახსენებთ, რომ გუშინ ევროპარლამენტში საქართველოს შესახებ დებატები გაიმართა.

ევროპარლამენტმა ხელისუფლებას მიხეილ სააკაშვილის საზღვარგარეთ გადაყვანისკენ და ნიკა გვარამიას გათავისუფლებისკენ მოუწოდეს და ასევე ბიძინა ივანიშვილის გავლენაზეც ისაუბრეს.

ავტორი: ექსპრესნიუსი,

სოციალური ქსელები

აშშ-ის მოკავშირეები ახლო აღმოსავლეთში ტრამპს ირანში სახმელეთო შეჭრის დაწყებისკენ მოუწოდებენ

უკრაინამ კრასნოდარსა და ნევინომისკში Wildberry-ის საწყობებს დაარტყა. რვა ადამიანი დაშავდა

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა