გერმანიაში დააკავეს 25 პირი, რომლებიც რაიხსტაგში შეჭრას და ძალაუფლების ხელში ჩაგდებას გეგმავდნენ

2022-12-07 13:28:25, 907 ნახვა

მსოფლიო

გერმანიამ სახელმწიფო გადატრიალების მოწყობის ბრალდებით 25 პირი დააკავა,- აღნიშნულის შესახებ ინფორმაციას BBC ავრცელებს.

გერმანული წყაროები ამბობენ, რომ ულტრამემარჯვენე და ყოფილი სამხედროების ჯგუფი პარლამენტის შენობაში, რაიხსტაგში შეჭრას და ძალაუფლების ხელში ჩაგდებას გეგმავდა.

71 წლის გერმანელი კაცი, რომელსაც პრინც ჰაინრიხ XIII-დ მოიხსენიებენ, სავარაუდოდ, მათ გეგმებში წამყვანი ფიგურა იყო.

ფედერალური პროკურატურის ცნობით, გერმანიის 11 შტატში დაკავებულთა შორის ორი სავარაუდო ლიდერი იყო.

”ჩვენ ჯერ არ გვაქვს ამ ჯგუფის სახელი”, - განაცხადა ფედერალური პროკურატურის სპიკერმა.

შეთქმულთა შორის არიან ექსტრემისტული მოძრაობის Reichsbürger [რაიხის მოქალაქეები] წევრებიც, რომლებიც დიდი ხანია გერმანიის პოლიცია აკვირდებოდა ძალადობრივი თავდასხმებისა და რასისტული შეთქმულების თეორიების გამო.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,