უკრაინამ და რუსეთმა სამხედრო ტყვეების მორიგი გაცვლა გამართეს.12 უკრაინელი ჯარისკაცი სახლში დაბრუნდა,- აღნიშნულის შესახებ ინფორმაციას პრეზიდენტის ადმინისტრაციის ხელმძღვანელი, ანდრეი ერმაკი ავრცელებს.

ერმაკის თქმით, უკრაინამ მტრის ტყვეობიდან გაათავისუფლა საზღვაო ძალების 4 ჯარისკაცი, 2 ეროვნული გვარდიელი, მესაზღვრე, უკრაინის შეიარაღებული ძალების, ასევე 3 მშვიდობიანი მოქალაქე.

"პატიმართა მორიგი გაცვლა. ჩვენ მოვახერხეთ 12 ჩვენი ადამიანის გათავისუფლება. მათ შორის - საზღვაო ძალების 4 ჯარისკაცი, 2 ეროვნული გვარდიელი, მესაზღვრე, ერთი უკრაინის შეიარაღებული ძალების, 3 მშვიდობიანი მოქალაქე, სამხედროებს შორის - 2 ოფიცერი, ასევე 7 რიგითი და სერჟანტი", - წერს ერმაკი.

მისივე თქმით, სახლში ბრუნდებიან ჯარისკაცები, რომლებიც იცავდნენ მარიუპოლს, ჩერნობილის ატომურ ელექტროსადგურს და ზმეინის კუნძულს.

შეგახსენებთ, რომ რამდენიმე დღის წინ უკრაინასა და რუსეთს შორის პატიმრების მორიგი გაცვლა მოხდა, რის შედეგადაც 50 უკრაინელი მცველი სახლში დაბრუნდა.

ავტორი: ექსპრესნიუსი,

სოციალური ქსელები

ვენესუელაში მიწისძვრის ორი სერია მოხდა - 7.2 და 7.5 მაგნიტუდის სიმძლავრის, არიან დაღუპულები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა