მტერმა კიდევ ერთხელ გადაწყვიტა ტერორითა და მკვლელობით მიაღწიოს იმას, რასაც 9 თვის განმავლობაში ვერ მიაღწია და ვერც მიაღწევს, - ასე ეხმაურება უკრაინის პრეზიდენტი, ვოლოდიმირ ზელენსკი ხარკოვის ოლქის ქალაქ კუპიანსკისა და ზაპოროჟიეს ოლქში ვოლნიანსკის საავადმყოფოს სამშობიარო განყოფილების დაბომბვას.

ზელენსკი სოციალურ ქსელში წერს, რომ რუსეთს მოუწევს პასუხისგება იმ ბოროტებისთვის, რაც უკრაინაში ჩაიდინა.

"ტერორისტული სახელმწიფო აგრძელებს ბრძოლას სამოქალაქო ობიექტების წინააღმდეგ. ვოლნიანსკის საავადმყოფოს სამშობიარო განყოფილებაზე განხორციელებული სარაკეტო თავდასხმის შედეგად, ჩვილი დაიღუპა, ქალი კი დაშავდა. სავარაუდოდ, ჯერ კიდევ არიან ადამიანები ნანგრევების ქვეშ.

ოკუპანტებმა კუპიანსკში მაღალსართულიანი შენობა და პოლიკლინიკა დაბომბეს. ორი ადამიანი გარდაიცვალა, ერთი კი საავადმყოფოში მოხვდა. ყველა სერვისი მუშაობს", - აცხადებს ზელენსკი.

ავტორი: ექსპრესნიუსი,

სოციალური ქსელები

მედვედევი: NATO-მ ტარანად გამოიყენა საქართველო, უკრაინა, იგივე ხდება მოლდოვაში, სომხეთში

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა