უკრაინის ომი დრამატულ გავლენას ახდენს ევროპის ენერგეტიკულ მდგომარეობაზე და ჩვენს ეკონომიკაზე, - ამის შესახებ ევროპული საბჭოს პრეზიდენტმა, შარლ მიშელმა მის მიერ გამოქვეყნებულ წერილში განაცხადა. 

მისი თქმით, კრემლმა გადადგა უპასუხისმგებლო ესკალაციული ნაბიჯები - მოაწყო მოჩვენებითი „რეფერენდმები“ და უკრაინის ტერიტორიების უკანონო ანექსია და აგრძელებს თავის მუქარის რიტორიკას.

"უკრაინაში ომი კვლავ მძვინვარებს. სამწუხაროდ, კრემლმა გადადგა უპასუხისმგებლო ესკალაციული ნაბიჯები: მოაწყო ეროვნული მობილიზაციის კამპანია, მოჩვენებითი იძულებითი „რეფერენდმები“ და უკრაინის ტერიტორიების უკანონო ანექსია და ის აგრძელებს თავის მუქარის რიტორიკას.

ამ მოვლენების ფონზე, ჩვენ უნდა ვიყოთ ერთიანი და მტკიცე რეაგირებაში. ჩვენი სოლიდარობა უკრაინისა და მისი ხალხის მიმართ ურყევი რჩება. ჩვენ გავაგრძელებთ ჩვენი შემზღუდველი ზომების გაძლიერებას რუსეთზე ზეწოლის შემდგომი გაზრდის მიზნით, რათა დაასრულოს თავისი ომი. ჩვენს შეხვედრაზე განვიხილავთ, თუ როგორ გავაგრძელოთ ძლიერი ეკონომიკური, სამხედრო, უკრაინის პოლიტიკური და ფინანსური მხარდაჭერა რამდენიც სჭირდება.

ჩვენ ასევე განვიხილავთ, თუ როგორ დავიცვათ ჩვენი კრიტიკული ინფრასტრუქტურა. უკრაინის ომი დრამატულ გავლენას ახდენს ევროპის ენერგეტიკულ მდგომარეობაზე და გავლენას ახდენს ჩვენს ეკონომიკაზე. ჩვენი უპირველესი მიზანია უზრუნველვყოთ გარანტირებული მიწოდების უსაფრთხოება და ხელმისაწვდომი ენერგია ჩვენი ოჯახებისთვის და ბიზნესებისთვის, განსაკუთრებით ზამთრის სიცივის მოახლოებისას. ჩვენ შევაფასებთ უკვე მიღებულ გადაწყვეტილებებს ამ კუთხით და მივცემთ მითითებებს შემდგომ ქმედებებზე, რომლებიც საჭიროა კარგად კოორდინირებული ევროპული
პასუხი",- განაცხადა მიშელმა. 

ავტორი: ექსპრესნიუსი,

სოციალური ქსელები

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება