ქუთაისში „საქართველოს ბანკში“ მძევლად აყვანილ პირებს, სავარაუდოდ, გაუთქმელობაზე მოაწერინებენ ხელს,- ამის შესახეებ გრიგოლ ნარსიას ადვოკატმა, დალი სალუქველიძემ განაცხადა.

მისი თქმით, შესაძლებელია, რომ გრიგოლ ნარსიას ფსიქიატრიული ექსპერტიზა ჩაუტარდეს, რათა დადგინდეს რამდენად მდგრადია მისი ფსიქიკური მდგომარეობა.

„ძალიან სავალალო, რთულ მდგომარეობაშია. დღეს ჩემი ინიციატივით ვარ მოსული, რომ მას შევხდე და გარკვეულ საკითხებზე შევთანხმდეთ. რაც შეეხება აღკვეთი ღონისძიების დაყენების საკითხს, თუ რა სახის აღკვეთ ღონისძიებას შევთავაზებთ ჩვენ სასამართლოს, ალბათ ამასაც დაკავებული პირის ინიციატივით და მასთან შეთანხმებით გავაკეთებთ.

ჩემთვის მნიშვნელოვანია არის თუ არა ჯანმრთელობის, სამედიცინო ექსპერტიზა დანიშნული მის დაზიანებასთან დაკავშირებით და გასარკვევია იყო თუ არა აუცილებელი დაზიანებების მიყენება, რომლებიც ფიზიკურად აღიქმება",- განაცხადა ადვოკატმა.

შეგახსენებთ, რომ ორშაბათს, 20 სექტემბერს ქუთაისში, შოთა რუსთაველის გამზირზე მდებარე "საქართველოს ბანკის" ფილიალში თავდასხმა მოხდა.

შსს-ს ინფორმაციით, მომხდარზე გამოძიება საქართველოს სისხლის სამართლის კოდექსის 144-ე, 236-ე, 323-ე და 329-ე მუხლებით მიმდინარეობს.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის