სანამ ოპოზიციაზე საუბრებს, პირი კარგად უნდა გამოირეცხოს ღარიბაშვილმა, - ასე პასუხობს "ერთიანი ნაციონალური მოძრაობის" წევრი, ლევან ხაბეიშვილი პრემიერ-მინისტრის განცხადებას ქვეყანაში გაჩენილი ხანძრების შესახებ. 

მისი თქმით, თუ ვინმეს აწყობდა ცეცხლის გაჩენა და კვალის დაფარვა, არის ღარიბაშვილი, ივანიშვილი და მათი "კრიმინალური დაჯგუფება". 

"სანამ ოპოზიციაზე ისაუბრებს, პირი კარგად უნდა გამოირეცხოს ღარიბაშვილმა. როცა დივერსიაზე საუბრობს, არ დაგვავიწყდეს, რომ ასი ათასობით ოკუპანტი შემოუშვა აბსოლუტურად უკონტროლოდ ქვეყანაში და ასევე მნიშვნელოვანია, როცა საუბრობს კონკრეტულ დივერსიებზე და ცეცხლის გაჩენის პერსპექტივაზე, არ დაგვავიწყდეს, რომ ამ ხალხმა გაჩეხა ბორჯომის ტყე და უკანონოდ, ივანიშვილი და მისი კრიმინალური ბანდ-ფორმირება ფაქტობრივად, ჩეხავს ტყეებს და თუ ვინმეს აწყობდა იქ ცეცხლის გაჩენა და კვალის დაფარვა, არის ღარიბაშვილი, ივანიშვილი და მისი კრიმინალური დაჯგუფება და დიახ, აუცილებლად მოვა დრო, როცა ამ საქმეებს ყველაფერს გამოიძიებს ხელისუფლება, რომელიც ხალხის მიერ იქნება არჩეული და არა როგორც ახლა აქვთ მიტაცებული", - განაცხადა ხაბეიშვილმა.

ცნობისთვის, მთავრობის სხდომაზე ირაკლი ღარიბაშვილი გამოეხმაურა ბოლო დროს საქართველოში რამდენიმე ადგილას გაჩენილ ხანძრებს და განაცხადა, რომ "არაფრის გამორიცხვა არ შეიძლება, იმიტომ რომ ცნობილია ქვეყნის შიგნით მოქმედი დესტრუქციული ძალების ბუნება და მათი დივერსიული მიდრეკილებები". 

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს