იტალიის ყოფილი პრემიერ-მინისტრი სილვიო ბერლუსკონი აცხადებს, რომ უკრაინაში რუსეთის შეჭრის საწყის ეტაპზე , მან ორჯერ წარუმატებლად სცადა ვლადიმერ პუტინთან დაკავშირება.ამის შესახებ "ევროპული სიმართლე" Il Messaggero- ზე დაყრდნობით იუწყება .

მან დასძინა, რომ რუსეთსა და უკრაინას შორის ომს საშიშად მიიჩნევს, რადგან ვერ ხედავს მისი დაუყოვნებელი დასრულების შესაძლებლობას. მაგრამ ის ამტკიცებს, რომ ახლა იტალიის ხელმძღვანელი რომ ყოფილიყო, ყველაფერს გააკეთებდა კონფლიქტის დასასრულებლად.

"ამ ბოლო დროს პუტინთან არ მილაპარაკია. ჩვენ ძალიან კარგი მეგობრები ვიყავით. ორჯერ დავურეკე ტელეფონზე ამ  ომის  დაწყებიდან და პასუხი არ მიმიღია", - თქვა ბერლუსკონიმ.

შეგახსენებთ, რომ სილვიო ბერლუსკონისა და ვლადიმერ პუტინს ხანგრძლივი მეგობრული ურთიერთობა ჰქონდათ - 2011 წლის შემდეგ, როდესაც იტალიელმა თანამდებობა დატოვა, მან განაგრძო ურთიერთობა სახელმწიფოს მეთაურთან.

აპრილში ბერლუსკონიმ განაცხადა , რომ "იმედგაცრუებული იყო პუტინის საქციელით" უკრაინაში მის მიერ გაჩაღებული ომის გამო.

"ის ყოველთვის მეჩვენებოდა საღი აზრის, დემოკრატიის, მშვიდობის ადამიანად", - თქვა მაშინ იტალიის ყოფილმა პრემიერმა.

ავტორი: ექსპრესნიუსი,

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს