გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი ამერიკული კომპანიის „Land O’Lakes Venture37“  აღმასრულებელ დირექტორს, ჯონ ელენბერგერს შეხვდა.

შეხვედრაზე მხარეებმა პროექტის „ინვესტირება უვნებელ და ხარისხიან მესაქონლეობაში“   მიმდინარეობის და სამომავლო თანამშრომლობის საკითხები განიხილეს.

„მნიშვნელოვანია თქვენი მხარდაჭერა, ცოდნის და გამოცდილების გაზიარება, რისთვისაც მინდა მადლობა გადაგიხადოთ. ერთიანი ძალისხმევით ჩვენ მნიშვნელოვანი შედეგები გვაქვს  მესაქონლეობის სექტორში სურსათის უვნებლობისა და ხარისხის სტანდარტების გაუმჯობესების კუთხით“,- განაცხადა გიორგი ხანიშვილმა.

შეხვედრაზე გიორგი ხანიშვილმა სექტორში არსებულ გამოწვევებზე ისაუბრა და ხაზგასმით აღნიშნა, ქვეყნისთვის სანაშენე მეურნეობის განვითარების, საძოვრების  ეფექტიანი მართვის,  ცხოველთა საკვები ბაზის რაოდენობის გაზრდის და საკვები ბაზის შემნახველი ინფრასტრუქტურის მოწყობის მნიშვნელობის საკითხი.

როგორც ჯონ ელენბერგერმა აღნიშნა, სექტორში მიღწეული პროგრესი თვალსაჩინოა და თანამშრომლობა მომავალში კიდევ უფრო მასშტაბური გახდება.  

გარემოს დაცვისა და სოფლის მეურნეობის სამინისტროში გამართულ შეხვედრას სამინისტროს შესაბამისი სამსახურის და უწყების ხელმძღვანელი პირები ესწრებოდნენ.

საქართველოში ამერიკის სოფლის მეურნეობის დეპარტამენტის (USDA)  მიერ დაფინანსებულ პროექტს „ინვესტირება უვნებელ და ხარისხიან მესაქონლეობაში“ ამერიკული კომპანია Land O’Lakes Venture37 „საქართველოს ფერმერთა ასოციაციასთან“ ერთად ახორციელებს.  

ავტორი: NS (სტატია დაფინანსებულია),

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს