იუსტიციის სამინისტრო მიხეილ სააკაშვილს კლინიკა „ვივამედში“ გამოკვლებზე გადაყვანას სთავაზობს. ამის შესახებ იუსტიციის მინისტრმა რატი ბრეგაძემ მთავრობის სხდომის დასრულების შემდეგ გამართულ პრესკოფერენციაზე განაცხადა.

მინისტრის განცხადებით, მიხეილ სააკაშვილი საკვებს საკუთარი გადაწყვეტილებით, მხოლოდ შერჩევით იღებს, რაც მის ჯანმრთელობას უშლის ხელს. შესაბამისად როგორც სხვა ნებისმიერი პატიმრის შემთხვევაში, გართულებების თავიდან არიდების მიზნნით, მას კლინიკა „ვივამედში“ გადაყვანა შესთავაზეს, სადაც საჭიროების შემთხვევაში უზრუნველყოფენ საჭირო გამოკვლევებსა და მკურნალობას.

„მსჯავრდებულ მიხეილ სააკაშვილს დანიშნული აქვს მედიკამენტოზური მკურნალობა, თუმცა ხაზგასმით უნდა აღინიშნოს, რომ იგი შერჩევით იღებს მედიკამენტების გარკვეულ ნაწილსაც, რითაც ფაქტობრივად, უარს ამბობს საკუთარი გადაწყვეტილებით სრულფასოვან მკურნალობაზე,”- განაცხადა იუსტიციის მინისტრმა.

შეგახსენებთ, რომ მანამდე უკრაინის სახალხო დამცველმა ლუდმილა დენისოვამ განაცხადა, რომ ყველაფერს გააკეთებს, რომ მიხეილ სააკაშვილი გადაიყვანონ რუსთავის N12 პენიტენციური დაწესებულებიდან კლინიკაში, სადაც ის შესაბამის სამედიცინო დახმარებას მიიღებს.

თავად მიხეილ სააკაშვილი სამკურნალოდ უცხოეთში გადაყვანას ითხოვს.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს