ჟიგიმანტას პავილიონისი იმ ორკესტრის წევრია, რომლის ძირითადი მონაწილეები, თუ სოლისტები, ყველა „ნაციონალური მოძრაობის“ წევრია. მათ იდეური ერთიანობა, საქმიანი ერთიანობა და დამოკიდებულებები აერთიანებთ, – ამის შესახებ საპარლამენტო უმრავლესობის დეპუტატმა, მიხეილ სარჯველაძემ განაცხადა.

სარჯველაძის თქმით, მათ აქვთ საქართველოს წინააღმდეგ ავი ზრახვები, რომ საქართველოს ხელისუფლება დააზიანონ.

„ეს არის ზუსტად ამორალობა და ამორალურობა გამოიხატება იმაში, რომ საქართველოს ინტერესს არაფრად აგდებენ, თუ ამ ინტერესისა და ნებისმიერი წარმატების ავანგარდში არ იმყოფება „ნაციონალური მოძრაობა“. როგორც ჩანს, იმ ორკესტრის, რომელიც დღეს დაკავებულია საქართველოსთვის რეპუტაციული რისკ-ფაქტორების შექმნით, იმიტომ, რომ ამით რაღაც ავნოს საქართველოს ხელისუფლებას, მისი ერთ-ერთი მონაწილე და ორკესტრანტი გახლავთ პავილიონისიც. ეს შეიძლება იყოს ერთადერთი ახსნა ამ შემთხვევაში ასეთი დამოკიდებულების. ადამიანი, რომელსაც მიაჩნია, რომ საქართველო არ იმსახურებს ევროკავშირში გაწევრიანებას, განსხვავებით მაგალითად მოლდოვისგან, თუმცა ამას რეალურად აბსოლუტურად არავითარი საღი და გონივრული არგუმენტი არ აქვს“, – განაცხადა მიხეილ სარჯველაძემ.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს