ეკა გიგაური გოგა ხაინდრავაზე: ამ კაცს მგონი პატრონი არ ყავს, ნუ ნამუსზე ზედმეტია ლაპარაკი

2015-02-04 15:58:57, 4906 ნახვა

Lifestyle

რეჟისორ გოგა ხაინდრავას განცხადებით, “საერთაშორისო გამჭვირვალობა – საქართველოს” ხელმძღვანელს ეკა გიგაურს შს ყოფილმა მინისტრმა ვანო მერაბიშვილმა სასაზღვრო პოლიციის კაპიტნის წოდება ვადაზე ადრე მიანიჭა და ეკა გიგაურის ხელმძღვანელობის და კონტროლის ქვეშ, სამსახურებრივი მოვალეობის კარგად შესრულებისათვის ფულადი ჯილდოებით იმ სპეცრაზმის წარმომადგენელები დაჯილდოვდნენ, რომელთაც, ხაინდრავას თქმით, 2007 წლის 7 ნოემბრის მიტინგი დაარბიეს.

გოგა ხაინდრავას განცხადებას ეკა გიგაური სოციალურ ქსელში გამოეხმაურა:

"ნუ, ამდენი წლის შემდეგ ნათელი მოეფინა 2007 წლის აქციის დარბევას. თურმე მესაზღვრეები და აეროპორტის საპასპორტოს თანამშრომლები და რაც მთავარია ჩემს დაქვემდებარებაში მყოფი საერთაშორისო ურთიერთობების თანამშრომლები არბევდნენ აქციას.....ველოდები გამოძიების დაწყებას, თუ როგორ ვახალისებდი 7 ნოემბრის დარბევისთვის სპეცნაზელებს......ამ კაცს მგონი პატრონი არ ყავს ნუ ნამუსზე ზედმეტია ლაპარაკი", - წერს ეკა გიგაური

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან