2022-03-25 11:05:15, 939 ნახვა
მსოფლიო
უკრაინის დაზვერვის ინფორაციით, უკრაინის მხარეს სულ უფრო მეტი რუსი სამხედრო გადადის
ოკუპანტებს შორის იმ ჯარისკაცების რიცხვი იზრდება, რომლებიც პუტინის რეჟიმს უპირისპირდებიან და უკრაინის მხარეს საბრძოლველად გადადიან. - ამის შესახებ ინფორმაციას დაზვერვის მთავარი სამმართველო ავრცელებს.
„რუსი სამხედროები არა მხოლოდ უარს ამბობენ უკრაინის წინააღმდეგ ომში მონაწილეობაზე, არამედ იარაღით ხელში უკრაინის მხარეს გადადიან, რათა პუტინის კრიმინალური რეჟიმის წინააღმდეგ იბრძოლონ“, - ნათქვამია ინფორმაციაში.
ამასთან პენტაგონის ბოლო შეფასებით, რუსი სამხედროების საბრძოლო ძალა 90%-მდე დაეცა. მტერს სურსათისა და საწვავის მიწოდების პრობლემა აქვს.
შეგახსენებთ, რუსეთის უკრაინაში შეჭრის შემდეგ, რუსულმა მხარემ 15 800-მდე ჯარისკაცი დაკარგა.
ავტორი: ექსპრესნიუსი,
epn.ge (@expressnews.ge)
