„აღარასდროს, არასოდეს გვითხრათ, რომ ჩვენი ჯარი არ აკმაყოფილებს ნატო-ს სტანდარტებს. ჩვენ ვაჩვენეთ, თუ რა შეუძლია ჩვენ სტანდარტებს და რამდენის გაცემა შეგვიძლია ევროპისა და მსოფლიოს საერთო უსაფრთხოებისთვის“, - ასე მიმართა ბრიუსელში, ონლაინფორმატით ჩართვის დროს, უკრაინის პრეზიდენტმა, ვოლოდიმირ ზელენსკიმ NATO-ს სამიტის მონაწილეებს.

მან უკრაინის ცის დახურვისაკენ დასავლელ პარტნიორებს კიდევ ერთხელ მოუწოდა. ამის შესახებ ინფორმაციას BBC-ის რუსული გამოცემა იუწყება.

„დიახ, მართალია, ჩვენ არ ვართ ალიანსში. არა ვართ მსოფლიოში, ყველაზე მძლავრ თავდაცვის ასოციაციაში. არცერთი 30 სახელმწიფოდან, რომელიც ექვემდებარება ერთობლივი თავდაცვის ქოლგას, მე-5 მუხლის ქოლგის ქვეშ [ნატოს ქარტიის კოლექტიური თავდაცვის შესახებ, თუ ალიანსის ერთ ქვეყანას თავს დაესხნენ]. ისეთი შეგრძნებაა, თითქოს ნაცრისფერ ზონაში ვართ. დასავლეთსა და რუსეთს შორის. მაგრამ ჩვენ ვიცავთ ყველა ჩვენს საერთო ღირებულებას თქვენთან ერთად.

ჯერ კიდევ 24 თებერვალს, მოგმართეთ, სრულიად გასაგები, ლოგიკური თხოვნით. დაეხმარეთ ჩვენი ცის დახურვას. ნებისმიერ ფორმატში. დაიცავით ჩვენი ხალხი რუსული ბომბებისა და რაკეტებისგან. მკაფიო პასუხი ვერ მივიღეთ. უკრაინას არ გააჩნია ძლიერი რაკეტსაწინააღმდეგო იარაღი. რუსეთზე გაცილებით მცირე საჰაერო ძალები ჰყავს. ამიტომ, მათი უპირატესობა ცაში არის მასობრივი განადგურების იარაღის გამოყენება.

დარწმუნებული ვარ, გესმით, რომ რუსეთი უკრაინაში გაჩერებას არც ფიქრობს და არც აპირებს. მას სურს უფრო შორს წასვლა, ნატო-ს აღმოსავლელი წევრების წინააღმდეგ. ბალტიისპირეთის ქვეყნები, პოლონეთი - ეს უდავოა. ნატო მერე შეწყვეტს ამაზე ფიქრს, გადარჩება, როგორი რეაქცია ექნება რუსეთს? ვინ შეიძლება იყოს ამაში დარწმუნებული?

თქვენ შეგიძლიათ მოგვცეთ თქვენი მთელი თვითმფრინავის ერთი პროცენტი. თქვენი ყველა ტანკის ერთი პროცენტი. ერთი პროცენტი! ჩვენ არ შეგვიძლია ეს უბრალოდ ვიყიდოთ - ასეთი მიწოდება პირდაპირ დამოკიდებულია მხოლოდ ნატოს [პოლიტიკურ] გადაწყვეტილებაზე.

კიდევ ერთხელ გთხოვთ, აღარასდროს, არასოდეს გვითხრათ, რომ ჩვენი ჯარი არ აკმაყოფილებს ნატო-ს სტანდარტებს. ჩვენ ვაჩვენეთ, თუ რა შეუძლია ჩვენ სტანდარტებს და რამდენის გაცემა შეგვიძლია ევროპისა და მსოფლიოს საერთო უსაფრთხოებისთვის“, - განაცხადა ვოლოდიმირ ზელენსკიმ.

ავტორი: ექსპრესნიუსი,

სოციალური ქსელები

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს

ფეხბურთის მსოფლიო ჩემპიონატის ღია ჩვენებასთან დაკავშირებით, 7 ივლისიდან 21 ივლისის ჩათვლით, პირველი რესპუბლიკის მოედანზე მოძრაობა დროებით შეიზღუდება

კიევში 7 ივლისი გლოვის დღედ გამოცხადდა

როგორ დაბრუნდა ქურდული ესთეტიკა TikTok-სა და მოზარდების სხეულებზე