ვიცე-პრემიერის, ეკონომიკისა და მდგრადი განვითარების მინისტრის, ლევან დავითაშვილის შეფასებით, 2021 წელი პირდაპირი უცხოური ინვესტიციების კუთხით ძალიან წარმატებული იყო - 2020 წელთან შედარებით პირდაპირი უცხოური ინვესტიციების მოცულობა  ორჯერ მეტად 580.9 მლნ. აშშ. დოლარით (101.6%-ით) გაიზარდა და 1,152.8 მლნ. აშშ. დოლარი შეადგინა.

„საკმაოდ გაზრდილია ინვესტიციები საფინანსო სექტორში. ჩვენ დავინახეთ, რომ კაპიტალის ბაზრის განვითარება უკვე რეალურ ჩანასახებშია და მნიშვნელოვნად არის გაზრდილი მოზიდული თანხები კაპიტალის ბაზრის მიმართულებით. ასევე ჩვენს ქვეყანაში გაზრდილია რეინვესტირებები და ყველა მიმართულებით ვხედავთ პირდაპირი ინვესტიციების გაუმჯობესების ტენდენციას", - აღნიშნა ეკონომიკის მინისტრმა.

2021 წელს ყველაზე მეტი პირდაპირი უცხოური ინვესტიცია საფინანსო სექტორში  განხორციელდა და 443.3 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 38.5 პროცენტია. შემდეგ მოდის ენერგეტიკის სექტორი 157.0 მლნ აშშ დოლარით (მთლიანი პირდაპირი უცხოური ინვესტიციების 13.6 პროცენტი).  დამამუშავებელი მრეწველობის სექტორში განხორციელებულმა პირდაპირმა უცხოურმა ინვესტიციებმა კი 143.0 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 12.4 პროცენტია. მეოთხე ადგილზეა უძრავი ქონების სექტორი 84.1 მლნ. აშშ. დოლარით (მთლიანი ინვესტიციების 7.3 პროცენტი).

ვიცე-პრემიერმა აღნიშნა, რომ პირდაპირი უცხოური ინვესტიციების ზრდის მაჩვენებელი ცხადად აჩვენებს ინვესტორების მხრიდან ნდობას საქართველოში არსებული ბიზნეს-გარემოს მიმართ და ამავე დროს, პირდაპირ კავშირშია ქვეყნის გაუმჯობესებულ რეიტინგებთან.
„საზოგადოებას უკვე მივაწოდეთ ინფორმაცია, რომ ჩვენ ან შევინარჩუნეთ ჩვენი სუვერენული საკრედიტო რეიტინგები, ან ისინი საერთაშორისო სარეიტინგო კომპანიებმა გააუმჯობესეს, რაც, უკვე აისახა პირდაპირ უცხოურ ინვესტიციებში", - განაცხადა ლევან დავითაშვილმა.

ავტორი: NS (სტატია დაფინანსებულია),

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით