ოქტომბრის შემდეგ, 28 თებერვლის მდგომარეობით, ამერიკის შეერთებულ შტატებში შეყვანილი, თითქმის, 6500 ლტოლვილიდან, 692 უკრაინიდან იყო. ამის შესახებ ინფორმაციას სახელმწიფო დეპარტამენტი იუწყება.

ლტოლვილთა განსახლების დამცველები აშშ-ს პრეზიდენტის, ჯო ბაიდენის ადმინისტრაციას მოუწოდებენ, შეერთებულ შტატებში, უკრაინელების განსახლებას ხელი მისცეს, ვინაიდან უკრაინიდან გაქცეული ადამიანების რიცხვი, უკვე ორ მილიონს აჭარბებს.

სახელმწიფო მდივანმა, ენტონი ბლინკენმა კვირას განაცხადა, რომ ლტოლვილების მისაღებად აშშ მზადაა.

„აშშ მზადაა გააკეთოს ყველაფერი, რაც შეგვიძლია, უპირველეს ყოვლისა, მხარი დაუჭიროს იმ ქვეყნებს, რომლებსაც უშუალო ტვირთი აკისრიათ უკრაინელების მიღებაზე, შემდეგ კი, თუკი ადამიანები შეერთებულ შტატებში ლტოლვილის სტატუსს მოითხოვენ, რა თქმა უნდა, ჩვენ მივხედავთ“, - აღნიშნა ენტონი ბლინკენმა.

ცნობისთვის, რუსეთის მხრიდან უკრაინაში შეჭრის შემდეგ, გაეროს ლტოლვილთა სააგენტოს ინფორმაციით, უკრაინიდან გაქცეული ადამიანების უმეტესობა პოლონეთში შევიდა.

ამბავს CNN ავრცელებს.

ავტორი: ექსპრესნიუსი,

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა