2021-12-20 18:45:15, 826 ნახვა
რეგიონი
ზუგდიდი-ჯვარი-მესტია-ლასდილის საავტომობილო გზაზე მოძრაობაზე შეიზღუდა
საავტომობილო გზების დეპარტამენტის განცხადებით, ქვისცვენის და ზვავსაშიშროების გამო, ზუგდიდი-ჯვარი-მესტია-ლასდილის საავტომობილო გზის კმ182-კმ186 (კალა-უშგული) მონაკვეთზე, ყველა სახის ავტოტრანსპორტის მოძრაობა აიკრძალა.
უწყების ცნობით, ამავე საავტომობილო გზის კმ70-კმ182 (ხაიში-კალა) მონაკვეთზე, მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა აიკრძალა. რაც შეეხება, დიზი-კალას მონაკვეთს (კმ90-კმ182), აღნიშნულ ტერიტორიაზე, მსუბუქი ავტოტრანსპორტის მოძრაობა მოცურების საწინააღმდეგო ჯაჭვების გამოყენებითაა დასაშვები. მაღალი გამავლობის ავტოტრანსპორტის, ორი და მეტი წამყვანი ხიდის მქონე მოძრაობა, კი თავისუფალია.
„საავტომობილო გზის კმ1-კმ70 (ზუგდიდი-ხაიში) მონაკვეთზე ავტოტრანსპორტის მოძრაობა თავისუფალია“, - წერია განცხადებაში.
ავტორი: ექსპრესნიუსი,
epn.ge (@expressnews.ge)
