ტყიბულში, ქვანახშირის შახტში მიწის ქვეშ მოყოლილი 65 წლის ვიტალი ტურძელაძის ჯანმრთელობის მდგომარეობა მძიმეა. ის ქუთაისის რეფერალურ საავადმყოფოს რეანიმაციულ განყოფილებაში, მართვით სუნთქვაზე იმყოფება.

როგორც ქუთაისის რეფერალური ჰოსპიტალის ექიმი, დავით ჯანაშია აცხადებს, პაციენტს გულმკერდის და მუცლისღრუს ორგანოების დაჟეჟილობა და ორივე ქვედა კიდურზე ხანგრძლივი ზეწოლის სინდრომი უფიქსირდება.  ხოლო მის სიცოცხლეს საფრთხე ემუქრება.  

„შემოყვანილი იქნა პაციენტი, ვიტალი ტურძილაძე 65 წლის ტყიბულიდან, უმძიმეს მდგომარეობაში. გულმკერდის ორგანოს დაჟეჟილობით, მუცლისღრუს ორგანოს დაჟეჟილობით და ორივე ქვედა კიდურზე ხანგრძლივი ზეწოლის სინდრომით. ამჟამად, პაციენტი მკურნალობს რეანიმაციულ განყოფილებაში. მდგომაროება არის ძალიან მძიმე და სიცოცხლეს საფრთხე ემუქრება“ - ამბობს ექიმი.

ცნობისთვის, შემთხვევა ტყიბულში 27 ნოემბერს მოხდა. ქვანახშირის კარიერის გამაგრებითი სამუშაოების მიმდინარეობისას მიწის მასა ჩამოიშალა, რა დროსაც შახტში 2 მოქალაქე იმყოფებოდა. მასის ქვეშ მოყოლილი ერთი პირი მაშველებმა ცოცხალი ამოიყვანეს და კლინიკაში გადაიყვანეს, ხოლო მეორე გარდაცვლილი ოპოვეს. მომხდარზე გამოძიება 240-ე მუხლით დაიწყო.

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს