2021-11-18 15:32:03, 1325 ნახვა
რეგიონი
აჭარაში კოვიდსაწინააღმდეგო ვაქცინაციის საინფორმაციო კამპანია აქტიურად გრძელდება
აჭარაში აქტიურად გრძელდება კოვიდსაწინააღმდეგო ვაქცინაციის საინფორმაციო კამპანია, - ინფორმაიას აჭარის ჯანდაცვის სამინისტრო ავრცელებს.
მათივე ცნობით, გარდა მსხვილ ორგანიზაციებთან შეხვედრებისა, კარდაკარის პრინციპით ინტენსიურად იმართება შეხვედრები ასევე სოფლად მცხოვრებ მოსახლეობასთან.
აჭარის ა/რ ჯანმრთელობისა და სოციალური დაცვის მინისტრი, ნინო ნიჟარაძე აჭარის საზოგადოებრივი ჯანდაცვის ცენტრის ქობულეთის განყოფილების ხელმძღვანელთან, მანონი ბასილიძესთან ერთად, სოფელ ციხისძირში მცხოვრებ მოსახლეობას შეხვდა და კოვიდსაწინააღმდეგო იმუნიზაციის აუცილებლობასა და მნიშვნელობაზე ესაუბრა.
შეხვედრაზე ადგილობრივებს შესაძლებლობა ჰქონდათ მათთვის საინტერესო კითხვებზე პასუხი მინისტრისგან მოესმინათ.
ავტორი: NS (სტატია დაფინანსებულია),
epn.ge (@expressnews.ge)
