დევნილთა, ეკომიგრანტთა და საარსებო წყაროებით უზრუნველყოფის სააგენტო ზუგდიდში, ახალაშენებულ კორპუსებში იძულებით გადაადგილებულ 600 ოჯახს ბინებს გადასცემს. - ამის შესახებ ინფორმაციას ჯანდაცვის სამინისტრო ავრცელებს.

სააგენტოს დირექტორის ბესარიონ სიმონიშვილის განცხადებით, საცხოვრებელი ფართები ღიად და გამჭვირვალედ განაწილდა.

„600 დევნილ ოჯახს ზუგდიდში ბინები გადაეცემა. კომისიამ საცხოვრებელი ფართების განაწილების საკითხზე მუშაობა უკვე დაასრულა და დევნილი ოჯახების სია, რომლებსაც ბინებს გადავცემთ სააგენტოს ვებგვერდზე გამოქვეყნდა. მნიშვნელოვანია, რომ კომისიამ თითოეული ოჯახის საკითხი,  გრძელვადიანი განსახლების კრიტერიუმების შესაბამისად განიხილა.  ზუგდიდში,  პირადად შევხვდები ყველა იმ დევნილს, რომელსაც ბინების განაწილების პროცესთან დაკავშირებით შეკითხვები გააჩნია“, - განაცხადა ბესარიონ სიმონიშვილმა.

იძულებით გადაადგილებული პირების მიღება ზუგდიდში (თბილისის ქ.N1) 18, 19 და 20 ნოემბერს, 10:00 საათიდან  18:00 საათამდე,  გაიმართება.

600 დევნილ ოჯახს ახალი ბინის გასაღები უახლოეს მომავალში გადაეცემა.

ავტორი: NS (სტატია დაფინანსებულია),

სოციალური ქსელები

საქართველოში სოფლის ოჯახების რაოდენობა ათი წლის განმავლობაში ერთი მეოთხედით შემცირდა

ჯგუფური ძალადობა გარდაბანში - ორმა პირმა თანასოფლელი სცემა

რეჟიმმა Facebook-ზე პოსტის გამო ჟურნალისტ ვახო სანაიას 14 დღით პატიმრობა მიუსაჯა

ირაკლი კობახიძე სინგაპურის პრემიერ-მინისტრს, ლოურენს ვონგს შეხვდა