ამერიკის შეერთებული შტატები სრულად ვაქცინირებული საერთაშორისო ვიზიტორებისთვის დღეიდან საზღვრებს ხსნის.

ახალი რეგულაციების თანახმად, უცხო ქვეყნის მოქალაქეებს მოუწევთ ვაქცინაციის დამადასტურებელი დოკუმენტისა და 72 საათის განმავლობაში PCR ტესტის უარყოფითი პასუხის წარდგენა, რის შემდეგაც, მათ ქვეყანაში ჩასვლისას კარანტინის გავლა აღარ მოუწევთ. 

აშშ–ში ჩასვლის მსურველთა რაოდენობა დიდია. Delta Air Lines–ის აღმასრულებელმა დირექტორმა, ედ ბასიანმა გააფრთხილა მოგზაურები, რომ მოემზადონ გრძელ რიგებში დგომისთვის.

ბაიდენის ადმინისტრაციამ განახორციელა მრავალი ზარი ამერიკულ ავიაკომპანიებთან და მოუწოდა, მოემზადონ დამატებით მოგზაურების შემოდინებისთვის. ასევე, ადმინისტრაციამ გააფრთხილა მოგზაურები, რომლებიც გადაკვეთენ საზღვარს კანადიდან და მექსიკიდან, მოემზადონ გრძელვადიანი ლოდინისთვის ქვეყანაში შესაღწევად. 

შეგახსენებთ, რომ აშშ–ში შესვლის შეზღუდვა ყოფილმა პრეზიდენტმა, დონალდ ტრამპა კორონავირუსის პანდემიის გამო დააწესა და ვირუსის გავრცელების შეჩერების მიზნით, მან 2020 წლის დასაწყისში საზღვარი ჯერ ჩინეთისთვის, შემდეგ კი სხვა ქვეყნებისთვისაც დახურა. 

ავტორი: ექსპრესნიუსი,

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა