ავღანეთის შინაგან საქმეთა მინისტრის განცხადებით, დროებით მთავრობას ძალაუფლებას მშვიდობიანად გადასცემენ და დედაქალაქ ქაბულზე თალიბანის თავდასხმას არ დაიწყებს.

The Associated Press-ი ავღანეთის მთავრობის წარმომადგენელზე დაყრდნობით წერს, რომ თალიბანის წევრები პრეზიდენტის სასახლეში მიდიან მოლაპარაკებებისთვის და ძალაუფლების გადაცემისთვის მოსამზადებლად.

CNN-ის ინფორმაციით, მოსალოდნელია, რომ დროებით მთავრობაში თალიბანისა და პრეზიდენტ აშრაფ ღანის ადმინისტრაციის წევრები შევლენ.

არსებული ვითარებიდან გამომდინარე, ქვეყნის პრეზიდენტმა აშრაფ ღანიმ საგანგებო შეხვედრა გამართა აშშ-ის სპეციალურ წარმომადგენელთან და ნატო-ს ოფიციალურ პირებთან.

„თალიბანის“ განცხადებით, დედაქალაქის ძალის გამოყენებით აღებას არ გეგმავენ. დაჯგუფების წარმომადგენლის, ზაბიულა მუჯაჰიდის თქმით, დაჯგუფების ყველა მებრძოლს ნაბრძანები აქვს დედაქალაქის შესასვლელებთან მზადყოფნაში ყოფნა, ვიდრე ძალაუფლების მშვიდობიანად გადაცემა არ მოხდება.

გარდა ამისა, რადიკალური დაჯგუფება აცხადებს, რომ ქაბულის მცხოვრებლების სიცოცხლეს, ქონებასა და ღირსებას საფრთხე არ ეუმქრება.

ავტორი: ექსპრესნიუსი,

სოციალური ქსელები

გიგა ავალიანის მკვლელობის საქმეზე შს მინისტრის ყოფილი მოადგილის, მერაბ მალანიას შვილი დააკავეს

IPI მოუწოდებს საქართველოს პროკურატურას, შეწყვიტოს ფორმულას წინააღმდეგ მიმდინარე გამოძიება

ანტვერპენში ხანძრის შედეგად სულ მცირე 5 ადამიანი გარდაიცვალა

ზალუჟნიმ ზელენსკის პრეზიდენტობის კანდიდატად კენჭისყრის განზრახვის შესახებ აცნობა