2021-06-27 12:30:20, 1339 ნახვა
მსოფლიო
რუსეთი 4 დღეა კორონავირუსით დაავადებულთა ანტირეკორდს ხსნის
რუსეთი კორონავირუსის გავრცელების ყველა რეკორდს ხსნის, 4 დღეა დაავადებულების რიცხვი, ყოველდღიურად 20 ათასს აღემატება. დღეს დაფიქსირდა 20 538 შემთხვევა. კორონავირუსის გავრცელების საწინააღმდეგო ოპერატიული შტაბის მონაცემებით, ბოლო 24 საათში 600 ადამიანი გარდაიცვალა.
ოფიციალური ინფორმაციით, ყველაზე მეტი დაავადებულია რუსეთის დედაქალაქში. დღეს მოსკოვში 6723 ადამიანი დაინფიცირდა, მოსკოვის შემოგარენში კი 2608 ადამიანი. პეტერბურგში 1298.
კორონავირუსით ინფიცირებულთა მკვეთრ მატებას, რუსეთის ხელისუფლება "ინდური შტამის" სწრაფ გავრცელებას უკავშირებს. მოსკოვის მერის სერგეი საბიანინის განცხადებით, დაავადებულთა 90 პროცენტი, "დელტა-შტამით" დაინფიცირდა. რომელიც სწრაფად და აგრესიულად ვრცელდება.
ავტორი: ექსპრესნიუსი,
epn.ge (@expressnews.ge)
