2021-06-21 14:47:50, 1029 ნახვა
მსოფლიო
ევროკავშირმა რუსეთის წინააღმდეგ ყირიმის ანექსიის გამო დაწესებული სანქციები გაახანგრძლივა
ევროპულმა საბჭომ რუსეთის ფედერაციის მიერ ყირიმისა და სევასტოპოლის უკანონო ანექსიის საპასუხოდ დაწესებული სანქციები 2022 წლის 23 ივნისამდე გაახანგრძლივა.
აღნიშულის შესახებ განცხადებას ევროკავშირის საბჭო ავრცელებს და აღნიშნავს, რომ სანქციების ფარგლებში დაწესებული შეზღუდვები ყირიმიდან და სევასტოპოლიდან ევროკავშირში საქონლის იმპორტისა და ფინანსური და ინფრასტრუქტურული ინვესტიციების აკრძალვას ითვალისწინებს.
ცნობისთვის, ევროკავშირმა რუსეთს აღნიშნული სანქციები 2014 წლის ივნისში, უკრაინის ტერიტორიული მთლიანობის შერყევისა და ქვეყნის დესტაბილიზაციის მცდელობების საპასუხოდ დაუწესა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
