2021-05-24 21:58:37, 894 ნახვა
კომენტარი
სოზარ სუბარი გიორგი გახარიაზე - თბილისის მერად კენჭისყრას ვერ გაბედავს
„თბილისის მერად კენჭისყრას ვერ გაბედავს“, - ამის შესახებ „ქართული ოცნების“ ლიდერმა სოზარ სუბარმა ექს-პრემიერის, გიორგი გახარიას სამომავლო გეგმებზე დასმული კითხვის საპასუხოდ განაცხადა
მან ასევე აღნიშნა, რომ „ქართული ოცნება“ არჩევნებში უკონკურენტო იქნება.
„გიორგი გახარია თბილისის მერად კენჭისყრას ვერ გაბედავს, დაველოდოთ. ჩვენ არანაირი კონკურენციის არ გვეშინია, ზუსტად ამიტომაც მოვაწერეთ იმ 43%-იან ბარიერის თანხმობას.
თუ 43%-ს ვერ ავიღებთ, მზად ვართ ვადამდელი საპარლამენტო არჩევნებისთვის.
ჩვენ არ გვეშინია არც 43%-ის, არც 45%-ის და არც 50%-ის. უკონკურენტო ვიქნებით - ამას მკაფიოდ ვამბობ და ამას დაინახავთ კიდევაც.
ბუნებრივია, მან ძალიან კარგად იცის, რა შესაძლებლობებიც აქვს“, - განაცხადა სოზარ სუბარმა.
ავტორი: ექსპრესნიუსი,
epn.ge (@expressnews.ge)
