კახა კუჭავას საწინააღმდეგო არაფერი მაქვს, რაც მისი ბიოგრაფია ვიცი, ვერაფერზე ვერ ვიტყვი, რომ არიქა ადგე და გაილაშქრო, - ამის შესახებ პარტია „მოქალაქეების“ ლიდერმა, ალეკო ელისაშვილმა განაცხადა.

როგორც მან აღნიშნა, კუჭავა პოლიტიკურად ნეიტრალური ადამიანია და შესაბამისად, პარლამენტის თავმჯდომარედ მისი კანდიდატურის დასახელება სწორია.

„რაც მოვისმინე სიმართლეს ჰგავს. პარლამენტის თავმჯდომარედ უნდათ უფრო ნეიტრალური ადამიანის ყოფნა იმიტომ, რომ ხვალიდან პარლამენტში ოპოზიციის დიდი ნაწილი შემოვა, შემდეგ ალბათ, კიდევ ერთი ნაწილი შემოვა და ძაან ადუღდება პარლამენტი. იქ სპიკერი და თავმჯდომარე თუ იქნება უფრო ნეიტრალური ადამიანი საქმისთვის კარგია.

კახა კუჭავას საწინააღმდეგო მე პირადად არაფერი მაქვს. რაც ვიცნობ და რაც მისი ბიოგრაფია ვიცი, ვერაფერზე ვერ ვიტყვი, რომ არიქა ადგე და გაილაშქრო. დღეს პარლამენტის თავმჯდომარედ უფრო პოლიტიკურად ნეიტრალური ადამიანის დანიშვნა არის სწორი. კახა კუჭავა არის უფრო ნეიტრალური პოლიტიკურად. შესაბამისად, მისი კანდიდატურა უფრო სწორია. რასაც ვეთანხმებით იმას მხარი რატომ არ უნდა დავუჭიროთ?“, - განაცხადა ალეკო ელისაშვილმა.

ცნობისთვის, „ქართულმა ოცნებამ“ პარლამენტის თავმჯდომარედ კახა კუჭავას კანდიდატურა მას შემდეგ დაასახელა, რაც არჩილ თალაკვაძემ თანამდებობა დატოვა. კუჭავას კანდიდატურას კენჭს პარლამენტი ხვალ, 27 აპრილს პლენარული სხდომის საგაზაფხულო სესიაზე უყრის.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ