„გირჩი - მეტი თავისუფლების“ ლიდერი ზურა ჯაფარიძე აცხადებს, რომ ორი საკითხია: პოლიტპატიმრები და ხელახალი არჩევნები, ცვლილება სწორედ ამ ორს უნდა შეეხოს, რათა მოლაპარაკებები შედგეს.

მისივე თქმით, მან ჯერ კიდევ დასაწყისში თქვა, რომ მელიას გათავისუფლებასთან დაკავშირებით უნდა იყოს ისეთი პირობა, როგორიც თვითონ მელიასთის იქნება მისაღები.

„რა ტექსტი იქნება ამასთან დაკავშირებით წარმოდგენა არ მაქვს. არ მგონია, რომ ხუთივე პუნქტში ცვლილებები იყოს და საერთოდ ვისურვებდი, რომ ახალი ტექსტი ყოფილიყო. თუმცა ალბათობა არის რომ იგივე მოიტანონ. მანდ იყო ორი საკითხი პოლიტპატიმრების, იგივე პოლიტიკური დევნის და ხელახალ არჩევნებამდე მისასვლელი გზა. თუ იქნება ცვლილება სწორედ ამ ორ პუნქტს უნდა შეეხოს, რათა მოლაპარაკებები შედგეს.

მე ვიცი, რომ იქნება „ოცნებაც“ , ოპოზიციაც და მედიატორებიც, მეტი არაფერი არ ვიცი.

რაც მედიატორებს ჯერ კიდევ დასაწყისში ვუთხარი პირობა უნდა იყოს მელიას გათავისუფლებასთან  დაკავშირებით ისეთი როგორიც თვითონ მელიასთვის იქნება მისაღები. შარლ მიშელის დოკუმენტში მელიას თემა ეწერა, თუმცა ახალ დოკუმენტში საკმაოდ მიუღებლად იყო წარმოდგენილი“, - აცხადებს ზურა ჯაფარიძე.

შეგახსენებთ, რომ ევროკავშირის ოფისში ამ დროისთვის ოპოზიციას და მმართველ გუნდს შორის შეხვედრა იწყება.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ