თუ საქართველოს სურს განვითარება პარლამენტი უნდა მუშაობდეს სრულფასოვნად. პარლამენტს სჭირდება ძლიერი ოპოზიცია - ამის შესახებ ევროპარლამენტარმა მარინა კალიურანდმა საქართველოს პოლიტიკის ინსტიტუტის მიერ ორგანიზებული ვირტუალური მრგვალი მაგიდის, მიმდინარეობისას განაცხადა.

როგორც მარინა კალიურანიდი აღნიშნავს, ევროკავშირი მმართველი პარტიისგან ელოდება მეტს, მაგრამ ეს არ ნიშნავს, რომ ოპოზიციას არ აქვს ვალდებულებები.

„ყველა პოლიტიკური ლიდერი უნდა იყოს ჩართული პოლიტიკურ მოლაპარაკებებში. ჩვენ გადაწყვეტილებებს საქართველოს პოლიტიკური ლიდერების ნაცვლად ვერ მივიღებთ. დიახ ჩვენ ყოველთვის მმართველი პარტიისგან ველოდებით მეტს, მაგრამ ეს არ ნიშნავს, რომ ოპოზიციას არ აქვს ვალდებულებები. საქართველოს მომავლისთვის აუცილებელია ერთიანი მოქმედება. ეუთო/ოდირმა ნათელი ანგარიში წარადგინა არჩევნებთან დაკავშირებით, იყო დარღვევები, თუმცა არჩევნები სტანდარტებს აკმაყოფილებდა. ხალხმა პოლიტიკურ ლიდერებს მანდატები მისცა, სამწუხაროა, რომ ოპოზიცია პარლამენტში არ შედის და მანდატს არ იღებს. თუ საქართველოს სურს განვითარება პარლამენტი უნდა მუშაობდეს სრულფასოვნად. პარლამენტს სჭირდება ძლიერი ოპოზიცია.“ - განაცხადა მარინა კალიურანდმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ