„ვერ დაამტკიცეს არჩევნების გაყალბება და იქით ვეხვეწებით პარტიებს პარლამენტში შემოსვლას, რომლებსაც კრიმინალური წარსული აქვთ“, - ამის შესახებ „ქართული ოცნების“ ლიდერმა ირაკლი კობახიძემ განაცხადა.

მან ასევე აღნიშნა, რომ მთავარი მიზანი შეთანხმების მიღწევაა, რითაც მრავალპარტიული პარლამენტი მიიღება.

„არის არაერთი პუნქტი იმ მონახაზში, რომელსაც ჩვენ ვსაუბრობთ ჩვენ საერთაშორისო პარტნიორებთან და, ერთადერთი ვალდებულება, რომელსაც იღებს ამ შეთანხმებაში ოპოზიცია, არის მათი შემოსვლა პარლამენტში.

ანუ ვერ დაამტკიცეს არჩევნების გაყალბება და იქით ვეხვეწებით პრაქტიკულად პარლამენტში შემოსვლას, თან როგორ პარტიებს, რომელებიც გამოირჩევიან საკუთარი დანაშაულებრივი წარსულით, ესენი არიან ერთი პარტიის სხვადასხვა განშტოება, რომელთაც აქვთ დანაშაულებრივი წარსული და აქედანაც გამომდინარეობს მათი ეს პოზიციები.

სწორედ ამიტომ ამტკიცებენ სიყალბეს, მაგალითად არჩევნები თითქოს გაყალბდა, პოლიტპატიმრები თითქოს არსებობენ, ამით მათ შორის სურთ ბუნებრივია, გადაფარონ საკუთარი დანაშაულებრივი წარსული.

თუმცა ჩვენი ამოცანაა არის ის, რომ თუნდაც ასეთ პოლიტიკურ პარტიებთან მივაღწიოთ შეთანხმებას იმისათვის, რომ შედგეს საბოლოო ჯამში მრავალპარტიული პარლამენტი, რაც იქნება 8 მარტის შეთანხმების შედეგი“, - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება