„საზოგადოების ყველა კითხვაზე „ნამახვანი ჰესის" მშენებლობასთან დაკავშირებით გვაქვს ამომწურავი, კომპეტენტური პასუხი”, - ამის შესახებ საქართველოს ენერგეტიკის განვითარების ფონდის ხელმძღვანელმა გიორგი ჩიქოვანმა განაცხადა.

 მისი თქმით, ქუთაისში დღევანდელი შეხვედრის  მიზანი ჰესის ხელშეკრულების სამართლებრივი ასპექტები და ტექნიკური სახის კითხვების დეტალური გავლა იყო, თუმცა, ჰესის მშენებლობის მოწინააღმდეგეთა ჯგუფმა დარბაზი დატოვა.

 „იურისტების გარდა, ჩვენ დღეს ჩამოვიყვანეთ ეკონომისტები, ტექნიკური ჯგუფის წევრები. სამწუხაროდ, ოპონენტებმა დარბაზი დატოვეს, არ გაუჩნდათ არცერთი კითხვა და შეხვედრა ისე ჩაშალეს, რომ ვერცერთი კითხვის გავლა ვერ მოვასწარით, რაც ძალიან სამწუხაროა“, - აღნიშნა გიორგი ჩიქოვანმა მედიასთან კომენტარისას.

 ამასთან, ენერგეტიკის განვითარების ფონდის ხელმძღვანელი ხაზგასმით აღნიშნავს, რომ მხარეთა შორის დიალოგს ალტერნატივა არ აქვს და ოპონენტებს შორის ურთიერთობა კვლავ მოლაპარაკებების მაგიდასთან უნდა გაგრძელდეს.

„შემდეგი ნაბიჯი ალბათ იქნება, რომ ეს ემოციები დაცხრეს, ისევ დავსხდეთ მოლაპარაკებების მაგიდასთან. რაც შეეხება კომპრომისს - ეკონომიკისა და მდგრადი განვითარების მინისტრმა დღეს გააჟღერა რამდენიმე ნაბიჯი, რომელიც უკვე გადადგმულია. დიალოგს აზრი ყოველთვის აქვს და მჯერა, რომ ის შედეგს გამოიღებს. დღეს ის არ შედგა, თუმცა, დარწმუნებული ვარ, რომ მომავალში დიალოგი შედგება. რაც შეეხება მთავარ საკითხს  - რიონის ხეობა არ გაყიდულა, როგორც აცხადებენ, ეს არის მტკნარი სიცრუე და ამ ფაქტებს წარმოგიდგენთ“, - განაცხადა გიორგი ჩიქოვანმა.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა