„პოლიციის უზარმაზარი რესურსი ცდება დესტრუქციული ჯგუფების დევნაში, იქმნება ქოსის და დესტაბილიზაციის ფონი”, - ამის შესახებ პრემიერ-მინისტრობის კანდიდატმა, ირაკლი ღარიბაშვილმა პარლამენტის პლენარულ სხდომაზე განაცხადა.

მან ასევე აღნიშნა, რომ ამ ადამიანებს მოფრთხილება და ხელის გულზე ტარება სჭირდებათ.

 „კარგად მოგეხსენებათ, რაოდენ მძიმე სამუშაოს ეწევიან პოლიციელები. თუნდაც პენიტენციურ დაწესებულებებში და აშ.. ყველგან.

ამ ადამიანებს მოფრთხილება და ხელის გულზე ტარება სჭირდებათ. მძიმე სამუშაოს ემატება პრობლემები, რომელიც ჩვენს ქვეყანაში არსებობს. ამას ემატება ის, რომ დესტრუქციული ჯგუფები პირდაპირ პროვოცირებენ პოლიციელებზე.

ჩვენი პოლიციის უზარმაზარი რესურსი ცდება ამ დესტრუქციული ჯგუფების დევნაში. საბოლოო ჯამში, ქოსის და დესტაბილიზაციის ფონი იქმნება. ამიტომ, ჩვენ ყოველ ასეთ გამოვლინებაზე ძალიან მკაცრი პოლიტიკა გვექნება.

არავითარ კომპრომისს აღარ დავუშვებთ. პოლიციის მიმართ ნებისმიერი გადაცდომა იქნება დაუყოვნებლივ აღკვეთილი და კანონის ფარგლებში სამაგალითოდ დასჯილი. რაც შეეხება სოციალურ პაკეტებს, წეღან ვახსენე, რომ ბატონ ვახტანგთან მქონდა საუბარი ამის თაობაზე.

მას აქვს იდეები, რომელიც საჭიროებს მთავრობის მხრიდან მხარდაჭერას და მე მზად ვარ, რომ მის უწყებას მაქსიმალური მხარდაჭერა აღმოვუჩინო და დავიწყოთ მნიშვნელოვანი სოციალური პროგრამების განხორციელება“, -  განაცხადა ირაკლი ღარიბაშვილმა.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა