„ქართულ ოცნებას“ იმდენი გამბედაობა არ აქვს, რომ მანდატები ყველას გაუუქმოს, - ამის შესახებ „სტრატეგია აღმაშენებლის“ პოლიტსაბჭოს წევრმა, სერგო ჩიხლაძემ განაცხადა.

მანვე აღნიშნა, რომ მმართველი გუნდი მანდატების გაუქმების შესახებ განცხადებების გაკეთებით კატა-თაგვობანას თამაშში შედის.

„ქართული ოცნება“ ძალიან კარგად აცნობიერებს, რომ კიდევ უფრო მეტ ჩიხში შევლენ და საკუთარ მდგომარეობას კიდევ უფრო დაამძიმებენ, თუ ყველას ერთად გააუქმებენ მანდატებს. გაუგონარი ამბავია, ამას ვერ ახსნის ვერც საზოგადოებასთან და ვერც დასავლელ პარტნიორებთან.

ერთის მხრივ, იმდენი გამბედაობა აქვს, რომ ყველას გააუქმოს მანდატი და ასეთ რადიკალურ ზომაზე წავიდეს. მეორე მხრივ, არალეგიტიმური პარლამენტი კიდევ უფრო არალეგიტიმური გახდება, იმიტომ რომ პარლამენტის უმეტესობას მანდატებს გააუქმებს, ამას ვერანაირად ახსნის ამიტომ შედის კატა-თაგვობანას თამაშში“, - განაცხადა ჩიხლაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ერთიანი ნაციონალური მოძრაობის ყრილობა 5 აგვისტოს გაიმართება

საქართველოს ბანკის მხარდაჭერით ქუთაისის ტექნოლოგიურ ჰაბში TUMO Kutaisi ცენტრი გაიხსნა

ფაშინიანი: სომხეთმა რუსეთს, შესაძლოა, რკინიგზის იჯარის სახით 2 მილიარდი მოსთხოვოს

ტუსკი რუსულ რაკეტაზე: არ არსებობს საფუძველი ვიფიქროთ, რომ პოლონეთი იყო სამიზნე