2021-01-20 16:43:36, 788 ნახვა
მსოფლიო
ინდოეთში კამალა ჰარისის ინაუგურაციას აღნიშნავენ
ინდოეთის ერთ-ერთ სოფელში ახლად არჩეული ვიცე-პრეზიდენტის, კამალა ჰარისის ინაუგურაციას აღნიშნავენ.
აღნიშნულის შესახებ ინფორმაციას „როიტერსი“ აქვეყნებს.
როგორც გამოცემა წერს, ჰარისის წინაპრები წარმოშობით ინდოეთის სოფელ ტულასანდრაპურამიდან იყვნენ.
დღესასწაულთან დაკავშირებით ადგილობრივებმა მოქალაქეებს ჰარისისა და ბაიდენის გამოსახულებიანი კალენდრები და ტკბილეული დაურიგეს.
„ადგილობრივმა პოლიტიკოსმა სპეციალური ლოცვა აღავლინა და თანასოფლელებს დილიდან ტკბილეულს უნაწილებს“, - განაცხადა სოფლის წარმომადგენელმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
