სავაჭრო ცენტრების ხელმძღვანელები, საკუთარი თანამშრომლების კოვიდ19-ზე გასატესტად, თანხას თავად გადაიხდიან

2021-01-12 10:34:44, 1096 ნახვა

ეკონომიკა

მიუხედავად იმისა, რომ კოვიდ ტესტი მოქალაქეებისთვის უფასო, სავაჭრო ცენტრების თანამშრომლების გატესტვისთვის ობიექტები თანხას თავად გადაიხდიან.

ამის შესახებ „თბილისი ცენტრალის“ დირექტორმა ლევან ყარალაშვილმა განაცხადა.

„სავაჭრო ცენტრების გახსნა არ მოხდება 1-ელ თებერვლამდე, რაც ნამდვილად ვიცით, თუმცა 1-ელ თებერვალს რა იქნება, მაგას დრო გვაჩვენებს. რაც შეეხება გახსნის წინაპირობებს, აქ ერთადერთი დამატებითი საკითხი რაც შემოიტანეს ე.წ სავაჭრო სივრცეებში არსებული თანამშრომლების ტესტირების საკითხია. მოუხედავად იმისა, რომ დღეს კოვიდ ტესტი მოსახლეობისთვის არის უფასო, ჩვენ როგორც სავაჭრო ობიექტების თანამშრომლები უნდა გავტესტოთ და ჩვენ უნდა გადავიხადოთ“, - განაცხადა ლევან ყარალაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან