2021-01-08 09:15:32, 603 ნახვა
სამართალი
19 წლის ძმის მკვლელობაში ბრალდებულისთვის აღკვეთის ღონისძიების შეფარდებაზე სასამართლო დღეს იმსჯელებს
19 წლის ძმის მკვლელობაში ბრალდებული გიორგი ახლოურისთვის აღკვეთის ღონისძიების შეფარდებაზე თბილისის საქალაქო სასამართლო დღეს იმსჯელებს.
პროცესი დისტანციურ რეჟიმში, 12:30 საათზე გაიმართება.
დაკავებულს ბრალი უკვე წარედგინა. გამოძიება მას განზრახ მკვლელობას ედავება, რაც 7-დან 15 წლამდე ვადით თავისუფლების აღკვეთას ითვალისწინებს.
შეგახსენებთ, რომ დაკავებული ამ დრომდე დუმილის უფლებას იყენებს, თუმცა ის პოლიციას თავად ჩაბარდა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
