2021-01-07 01:23:27, 666 ნახვა
მსოფლიო
ადამ კიზინგერი ტრამპს- შენ დასრულებული ხარ
კაპიტოლიუმის შტურმით აღება დაგმო რესპუბლიკელმა კონგრესმენმა ადამ კინზინგერმა, მან ამას „სახელმწიფო გადატრიალების მცდელობა“ უწოდა. მან დონალდ ტრამპის „ტვიტებიც“ გააზიარა და დაწერა, რომ ის „უკვე დამთავრებულია“, მისი მემკვიდრეობა კი „კატასტროფული“ იქნება.
"შენ დასრულებული ხარ და შენი მემკვიდრეობა საშინელება იქნება.შენ არ იცავ ქვეყანას". - წერს კინზინგერი.
ტელეკომპანია "სი-ენ-ენი" ავრცელებს ვიდეოკადრებს, თუ როგორ ჩაამტვრიეს მათ კაპიტოლიუმის ფანჯრები და საკანონმდებლო ორგანოს შენობაში გადაძვრნენ. ამ დროს კონგრესში ორივე პალატა იყო შეკრებილი, რათა 3 ნოემბრის არჩევნებზე დემოკრატი ჯო ბაიდენის გამარჯვება საბოლოოდ გაეფორმებინათ. აღნიშნული ღონისძიება ძირითადად ცერემონიულ ხასიათს ატარებს და საუკუნეების წინ დამკვიდრებული ტრადიციაა.
ავტორი: ექსპრესნიუსი,
epn.ge (@expressnews.ge)
