მსოფლიო ჯანდაცვის ორგანიზაციამ განაცხადა, რომ ჩინეთმა ქვეყანაში დაბლოკა იმ გუნდის შესვლა, რომელიც იკვლევს კორონავირუსის წარმოშობას.

ინფორმაციას „სიენენი“ ავრცელებს.

როგორც ჯანმოს გენერალურმა დირექტორმა, თედროს გებრეისუსმა თქვა, გაეროს გუნდის ორმა მეცნიერს უთხრეს, რომ ჩინეთის ოფიციალურმა პირებმა ქვეყანაში შესვლის საჭირო ნებართვები არ დაადასტურეს.

გამოცემა იუწყება, რომ ჩინეთთან ქვეყანაში შევლაზე წინასწარ იყვნენ შეთანხმებული.

„მე ძალიან იმედგაცრუებული ვარ ამ ამბით“, - თქვა ტედროსმა სამშაბათს ჟენევაში გამართულ პრესკონფერენციაზე. „მე კონტაქტი მქონდა ჩინეთის მაღალჩინოსნებთან და კიდევ ერთხელ განვმარტე, რომ მისია პრიორიტეტია ჯანმოსა და საერთაშორისო გუნდისთვის“.

თედროსმა აღნიშნა, რომ WHO „სურდა მისია რაც შეიძლება მალე დაიწყოს“ და რომ მას გარანტიები მისცეს, რომ პეკინი აჩქარებს შიდა პროცედურას „რაც შეიძლება ადრეულ შესვლასთან დაკავშირებით“.

ჯანმო-ს ჯანმრთელობის გადაუდებელი დახმარების პროგრამის აღმასრულებელმა დირექტორმა, მაიკლ რაიანმა განაცხადა, რომ ვიზების პრობლემა შეიქმნა და გუნდის ერთი წევრი უკვე დაბრუნდა სახლში.

ჯანმოს ოფიციალური პირები დიდი ხანია აწარმოებენ მოლაპარაკებებს პეკინთან, რომ გლობალური მეცნიერების გუნდმა შეძლოს წვდომა საკვანძო საიტებზე, რომ გამოიკვლიონ ვირუსის წარმოშობა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს