„დავით-გარეჯის საქმეზე სააკაშვილის მთავრობამ საშიში გადაწყვეტილება მიიღო“, - ამის შესახებ თავდაცვის მინისტრობის კანდიდატმა ირაკლი ღარიბაშვილმა განაცხადა.

მან ასევე აღნიშნა, რომ აზერბაიჯანსა და საქართველოს შორის გაფორმდა შეთანხმება, რომლითაც უნდა ეხემძღვანელა ორივე ქვეყანას.

„ორ ქვეყანას შორის, აზერბაიჯანსა და საქართველოს შორის გაფორმდა შეთანხმება 1996 წელს, ერთადერთი ძირითადი დოკუმენტი, რომელიც დაარეგულირებდა და საზღვრის საკითხებს გადაწყვეტდა იყო 1938 წლის დოკუმენტი, შეთანხმება და რუკა. მხარეებმა აიღეს ვალდებულება, რომ იხელმძღვანელებდნენ მხოლოდ 1938 წლის რუკით.

სამწუხაროთ წლების შემდეგ, წინა მთავრობამ, სააკაშვილის მთავრობამ მიიღო საშიში გადაწყვეტილება, ზუსტად ეს აქვს დასადგენი პროკურატურას. ეს გადაწყვეტილებები განაპირობებდა ჩვენი ტერიტორიების დაკარგვას და უცხო სახელმწიფოსთვის გადაცემას.

ხსენებული რუკის მიხედვით, დავით-გარეჯი სრულად არის ჩვენ ტერიტორიაზე, ჩვენ დავიწყეთ ამ საკითხის შესწავლა, ჯერ კიდევ ჩემი პრემიერობის დროს, რადგანაც ეს იყო პირდაპირ ჩემი მოვალეობა“, - განაცხადა ირაკლი ღარიბაშვილმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია