„ოპოზიციური პარტიების შეკრებებზე „მოქალაქეების“ გარიცხვა არ გაჟღერებულა“, - ამის შესახებ „სტრატეგია აღმაშენებლის“ წევრმა, თაკო ჩარკვიანმა ტელეკომპანია „რუსთავი 2“-ის ეთერში განაცხადა.

მან ასევე აღნიშნა, რომ შეიძლება ოპოზიციაში არის პრეტენზიები, თუმცა რომელიმე პარტიის გარიცხვაზე საუბარი არ ყოფილა.

„ჩატში ჩვენ ერთად ვართ, „ლელოს“ შეკრებებზეც ვარ ხოლმე - არსად არ გაჟღერებულა „მოქალაქეების“ გარიცხვა.

ის რომ პრეტენზია შეიძლება ჰქონდეს ოპოზიციას იმ ლანძღვაზე, რაც ოპოზიციამ მიიღო, ეს სხვა თემაა, მაგრამ მე გარიცხვის შესახებ არაფერი მსმენია ლანძღვაა, როდესაც ერთ ოპოზიციურ პარტიას აკადრებ და ეტყვი, რომ შენ გიგა ბოკერია გაკეთებინებსო, ამაზე დიდი შეურაცხყოფა პოლიტიკაში არც კი არსებობს.

რას ნიშნავს „გვაკეთებინებს“ - რბილად რომ ვთქვათ, ეს უხერხული გამონათქვამია. შეიძლება ამის გამო შენიშვნა მისცეს, მაგრამ გარიცხვის შესახებ არაფერი მსმენია.

ზოგადად, ასეთ გადაწყვეტილებებს იღებს ყველა, იკრიბება, მსგავსი რამ არ მომხდარა, შემიძლია დავიმოწმო აქ მსხდომი ოპოზიციონერები”, - განაცხადა თაკო ჩარკვიანმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია