ღვინის ეროვნული სააგენტოს ინფორმაციით, რთველი კახეთის ყველა მუნიციპალიტეტში შეფერხების გარეშე მიმდინარეობს - 8 ათასამდე მევენახემ ღვინის კომპანიებს ყურძენი უკვე  ჩააბარა.

სააგენტოს ცნობით, კახეთის რეგიონში ყურძნის რეალიზაციის შედეგად მიღებულმა შემოსავლებმა 35 მლნ ლარს მიაღწია.

„24 სექტემბერს  კვლავ დაფიქსირდა ბოლო 25 წლის რეკორდული დღეღამური გადამუშავების მაჩვენებელი -  7 100 ტ.  23 სექტემბერს ეს მაჩვენებელი იყო 6 722 ტონა.

ამ დროისთვის, სულ გადამუშავებულია 57 ათას ტონაზე მეტი ყურძენი. მათ შორის, 24 ათას ტონამდე რქაწითელი, 25 ათას ტონამდე საფერავი, 1,7 ათას ტონამდე კახური მწვანე და 6,7 ათას ტონამდე სხვა ჯიშის ყურძენი.

ყველაზე დიდი რაოდენობით ყურძენი გადამუშავებულია გურჯაანის მუნიციპალიტეტში - 20 ათას ტონამდე. კახეთის რეგიონის დანარჩენი მუნიციპალიტეტების მონაცემები ასე გამოიყურება: ყვარელი - 11,2 ათასი ტ., თელავი - 10,5 ათასი ტ., სიღნაღი - 6,5 ათას ტ., ლაგოდეხი- 4,6 ათასი ტ., დედოფლისწყარო - 1,8 ათასი ტ., ახმეტა - 1,3 ათასი ტონა და საგარეჯო - 1,2 ათასი ტონა.

ყურძნის გადამუშავების პროცესში ჩართულია ღვინის მწარმოებელი 62 კომპანია, მათ შორის,  სახელმწიფოს მიერ დაქირავებული 17 ღვინის საწარმო.

რთველის მიმდინარეობის შესახებ მოსახლეობის ინფორმირების მიზნით, მუშაობას განაგრძობს ცხელი ხაზი 2 47 01 01 და სპეციალური ინტერნეტ საიტი www.rtveli2015.gov.ge“, - ნათქვამია ღვინის ეროვნული სააგენტოს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით